Монографияда минтақавий сиёсат ва Хитой минтақаларининг гуруҳланиши масалалари баён этилган. Унда минтақавий сиёсат ва Хитойнинг маъмурий-ҳудудий бўлиниши, минтақаларнинг тенгсизлиги ҳамда Хитойда минтақавий сиёсатни амалга оширишнинг асосий йўналишлари статистик маълумотлар асосида тадқиқ этилган. Шунингдек, Хитойда минтақалараро тенгсизлик муаммолари эволюцияси, минтақалараро тенгсизлик манбалари, Хитойда номутаносибликлар таҳлили ва минтақавий ривожланиш ҳамда минтақалараро номутаносибликларни бартараф этишнинг институционал чоралари ва минтақавий преференциялар тизими ёритилган.